.png)
ນັກຮຽນຊາຍ ມ.5 ຖືກແຟນສາວບອກເລີກ ຍິງໂຕຕາຍຄາໂຮງຮຽນ
ພິດຮັກໃນໄວຮຽນ ນັກຮຽນຊາຍ ມ.5ໂຮງຮຽນຊື່ດັ່ງໃນພື້ນທີ່ ເມືອງ ຖະຫລາງຈັງຫວັດ ພູເກັດ ໃຊ້ອາວຸດຂະໜາດ.38 ຍິງໂຕເອງຄາສາລາພາຍໃນໂຮງຮຽນ
ເມື່ອເວລາ 18.25 ໂມງ ຂອງວັນທີ 17 ມັງກອນ ເຈົ້າຫນ້າທີ່ຕຳຫລວດສພ.ຖະຫລາງ ຈັງຫວັດ ພູເກັດ ໄດ້ຮັບແຈ້ງວ່າ ມີເຫດນັກຮຽນໂຮງຮຽນແຫ່ງໜຶ່ງ ໃຊ້ອາວຸດປືນຍິງຫົວໂຕເອງ ເສຍຊີວິດ 1 ລາຍ ເຫດເກີດທີ່ສາລາພາຍໃນໂຮງຮຽນແຫ່ງໜຶ່ງ ເມືອງ ຖລາງ ຈັງຫວັດ ພູເກັດ
ທີ່ເກີດເຫດພາຍໃນໂຮງຮຽນທີ່ສາລາໜ້າອາຄານດັ່ງກ່າວ ພົບສົບ ທ້າວ ເອ (ນາມສົມມຸດ) ອາຍຸ 18 ປີ ນັກຮຽນຊັ້ນມັດທະຍົມສຶກສາປີທີ 5 ສະພາບສົບນຸ່ງໂສ້ງຂາສັ້ນ ໃສ່ເສື້ອນັກຮຽນສີຂາວ ເກີບແຕະ ນອນພັບເທິງຕັ່ງສາລາ ຫົວດ້ານຂ້າງຂວາ ມີບາດແຜຮອຍກະສຸນປືນ ເຂົ້າເທິງຄິ້ວຂວາ ແລະ ກະສຸນອອກ ຫົວຂ້າງຊ້າຍເທິງຫູຊ້າຍ ມີເລືອດໄຫຼອອກມາເປັນຈຳນວນຫລາຍ ແລະພົບອາວຸດປືນ ຂະໜາດ.38 ຈຳນວນ 1 ກະບອກ ຕົກຢູ່ທີ່ດ້ານຂວາມື ສົບພາຍໃນບັນຈຸກະສຸນ ຈຳນວນ 5 ນັດ ກະສຸນ 4 ນັດຍັງບໍ່ໄດ້ຍິງ ແລະ 1 ນັດຖືກຍິງໄປແລ້ວ ທາງເຈົ້າຫນ້າທີ່ຈຶ່ງໄດ້ນຳສົບສົ່ງໂຮງໝໍຖະຫລາງເພື່ອໃຫ້ແພດຊັນນະສູດຢ່າງລະອຽດ
ຈາກການສອບສວນຮູ້ວ່າ ກ່ອນເກີດເຫດຜູ້ເສຍຊີວິດມີບັນຫາເລື່ອງຄວາມຮັກກັບແຟນສາວ ນັກຮຽນຊັ້ນມັດທະຍົມສຶກສາປີທີ 6 ໂຮງຮຽນດຽວກັນ ໂດຍເມື່ອວັນທີ 15 ມັງກອນ 2017 ແຟນສາວບອກເລີກກັບຜູ້ຕາຍ ແລະ ຜູ້ຕາຍພະຍາຍາມງໍ້ຂໍຄືນດີ ຂະນະເກີດເຫດຜູ້ຕາຍນັ່ງລົມປັບຄວາມເຂົ້າໃຈກັບແຟນສາວທີ່ບອກເລີກ ແລະ ຜູ້ຕາຍກໍມີບັນຫາເລື່ອງຮຽນແດ່ ເມື່ອແຟນສາວຍ່າງອອກຈາກສາລາຜູ້ຕາຍໄດ້ໃຊ້ອາວຸດປືນທີ່ພົກຕິດໂຕມາຍິງຫົວຕົນເອງເສຍຊີວິດ ເຮັດໃຫ້ແຟນສາວຕົກໃຈໄດ້ແຈ້ງໃຫ້ເຈົ້າຫນ້າທີ່ມາຊ່ວຍເຫລືອ
ຢ່າງໃດກໍຕາມ ທາງເຈົ້າຫນ້າທີ່ຕຳຫລວດຄາດວ່າ ຜູ້ຕາຍໜ້າຈະເອົາປືນພົກຕິດໂຕມາຈາກບ້ານເພື່ອມາຕັດສິນບັນຫາດັ່ງກ່າວ ແລະ ໄດ້ມີການກວດເກັບຮອຍຄວັນປືນທີ່ມືຜູ້ເສຍຊີວິດໄວ້ແລ້ວ ທາງພະນັກງານສອບສວນ ເຊື່ອວ່າຜູ້ຕາຍເສຍຊີວິດເກີດຈາກການໃຊ້ອາວຸດປືນຍິງຂ້າໂຕຕາຍເອງ ບໍ່ໄດ້ເກີດຈາກການຖືກຄາຕະກຳ ຫລື ຖືກຜູ້ອື່ນເຮັດໃຫ້ຕາຍ ເຊິ່ງຜູ້ຕາຍໜ້າຈະມີຄວາມຄຽດເລື່ອງບັນຫາຄວາມຮັກ ແລະ ເລື່ອງຮຽນຈຶ່ງຕັດສິນໃຈດັ່ງກ່າວ ພ້ອມຈະນຳແຟນສາວ ແລະ ຄອບຄົວຜູ້ຕາຍໄປສອບປາກຄຳເພື່ອຫາສາເຫດທີ່ແທ້ຈິງຕໍ່ໄປ
ຂໍ້ມູນ : Sanook!
ไม่มีความคิดเห็น:
แสดงความคิดเห็น